Búginde 230 qada burǵylanyp, betondaldy. Jol aıryǵynyń qurylysy shamamen 15 myń adamdy jumyspen qamtýǵa múmkindik beredi.
Sonymen qatar Qyzylorda oblysyndaǵy Karlan ýchaskesinde kópir qurylysy júrip jatyr. Qazirgi ýaqytta 20 qada burǵylanyp, betondalǵan. Sonymen qatar rostverk qurylysy júrgizilip, kópirdiń kireberis joldaryna topyraq tóseý jumystary qyzý júrip jatyr. Ári qaraı asfalttyń tómengi jáne joǵarǵy qabattary tóselip, ýchaske jol belgileri týraly aqparatpen jabdyqtalady.
Sondaı-aq Qazaly aýdanyndaǵy «Áıteke bı – Basyqara», Jalaǵashtaǵy «Samara – Shymkent-Eńbek – Eset batyr – Jańadarııa» jáne Jańaqorǵan aýdandaryndaǵy «Samara – Shymkent – Ekpindi» avtojoldarynyń boıyndaǵy kópirlerdi qaıta jańartý jumystary jalǵasýda.
Jumys sapasy tappsyrys berýshi men tehnıkalyq qadaǵalaýdyń jáne «Jol aktıvteri sapasynyń ulttyq ortalyǵy» RMK-nyń turaqty baqylaýynda.
Qyzylorda oblysynda jyl sońyna deıin 37 avtojol jobasy júzege asyrylmaq. 2022 jyly aýdandyq mańyzy bar joldardyń 122 km jáne oblystyq mańyzy bar joldardyń 85 shaqyrymy jóndeý jumystarymen qamtyldy.
Sonymen birge 8 nysan boıynsha qurylys jáne rekonstrýksııa jumystary júrgizilýde.
