Munyń sebebin qoǵamdyq qabyldaýǵa kelýshiler turǵyn úı kezeginiń jyljymaýymen túsindiredi. Tipti turǵyn úı kezegine turǵanyn dáleldeı almaı júrgender bar. Al kásipkerler «qara altyn» naryǵyndaǵy baǵanyń rettelgenin, munaı ónimderin rezervýarlarǵa qatysty tarıftiń tómendegenin qalaıdy.
Depýtat D.Turǵanovtyń pikirinshe, bul másele Májiliste jıi kóterilip keledi. О́ıtkeni suıytylǵan gazdy tasymaldaıtyn kásipkerler baǵany qymbattatyp, halyqtyń narazylyǵyn týǵyzǵan. Osyǵan baılanysty munaı-gaz naryǵyna qatysty zańnamaǵa ózgerister engizý josparlanǵan. Qyzylqoǵa aýdanyndaǵy qoǵam belsendilerin Oıyl ózeniniń búgingi ahýaly tolǵandyryp otyr. Birneshe jyldan beri atalǵan ózenge sý kelmeı, qurǵap ketý qaýpi tóngen. Endi ózendi saqtap qalýdyń bir ǵana joly bar. Bul – memleket tarapynan kóńil bólý.
– Qoǵamdyq qabyldaýǵa kelýshilerdiń basym bóliginiń ótinishi jergilikti atqarýshy organdardyń jumysymen tikeleı baılanysty. Oblys basshylarymen kezdesip, bul máselelerdi sheshý joldaryn birlese qarastyramyz, – deıdi D.Turǵanov.
Depýtattyń aıtýynsha, turǵyndar tarapynan taza energııa óndiretin elektr stansalaryn salý, batys aımaqtyń energetıkalyq jelisin nyǵaıtý, ony elimizdiń biryńǵaı energetıkalyq júıesimen biriktirý, qurylys sapasyn arttyrý, qurylys nysandarynyń merziminde aıaqtaý sekildi túıindi máseleler kóterilgen. Atyraýlyqtardy turǵyn úımen qamtamasyz etý máselesimen birge jergilikti jáne respýblıkalyq mańyzy bar joldyń jaıy alańdatady.
Atyraý oblysy
