Jas tennısshiler Eýropada úzdik shyqty

Máselen, Fransııanyń astanasy – Parıj qalasynda uıym­dastyrylǵan 14 jasqa deıingiler arasynda Tennis Europe serııasy boıynsha birinshi sanattaǵy týrnırde qazaqstandyq Zańǵar Nurlanuly fınalda óner kórsetti. Qazaqstan tennıs fede­rasııasynyń málimeti boıyn­sha, aıtýly dodaǵa álemniń 30 elinen 160-tan astam jas oıynshysy qatysqan. Olardyń arasynda qazaqstandyqtardan jarystyń birinshi raketkasy Zańǵar Nurlanulynan bólek, Danıel Tazabekov, Damır Jal­ǵasbaı, Sátıma Tóregen jáne Arıana Gogýlına bar. Zań­ǵar Nurlanuly fınaldaǵy tarty­s­ty matchta germanııalyq Nıls Makdonaldpen sheberlik baı­qasyp, eki sette – 6:7 (4:7), 4:6 ese­bimen qarsylasyna jol berdi.

Zańǵar fınalǵa barar jolda aldymen fransııalyq Arıan Kalıtera men Kıpren Shıvalırdi tize búktirdi. Sosyn ıtalııalyq Rafael Chıýernellıdi joldan taıdyrdy. Shırek fınalda mysyrlyq Eıad Mohammed Sherıftan aılasyn asyrdy – 7:6 (7:3), 6:2. Jartylaı fınalda jarystyń 4-raketkasy fransııalyq Tımeo Trýfellıdi oısyrata jeńdi – 6:1, 6:2. Bul týrnırdiń ereksheligi, mundaǵy básekeler ataqty Roland Garros korttarynda ótedi. Kezinde munda ár jyldary jasóspirim shaǵynda Rafael Nadal, Gael Monfıs, Stefanos Sısıpas, Karlos Alkaras jáne basqalar jeńimpaz atanǵan bolatyn.

Sonymen qatar Qyrǵyz­stannyń Cholpon-Ata qalasynda ITF Juniors serııasy boıynsha ótken besinshi sanattaǵy týrnırde qaraǵandylyq Vıtalıı Zasepın tamasha óner kórsetti. Ol fınalda kort ıesi Ilgız Kamchıbekovti utty – 6:3, 6:1. Juptyq synda V.Zasepın Jakas Kozbakpen birge qazaq­stan­dyqtar Oleg Gýsakov – Darhan Jaqangerge jol berdi – 7:6 (7:1), 1:6, 4:6. Osynda juptyq synda Anastasııa Krymkova chempıon atandy. Ol qyrǵyzstandyq Vladıslava Andreevskaıamen birge Qaraqat Qoılybaeva – Darıa Shýbınany bas júldesiz qaldyrdy – 6:1, 6:2.

Grýzııada 18 jasqa deıingi­ler arasynda tórtinshi sanat­taǵy ITF jarysynda almaty­lyq Ińkár Dúısebaı fınalǵa deıin jetti. Sońǵy básekede Ińkár uly­brı­ta­nııa­lyq Gabı Pas­kaýskaspen birge túr­kııa­lyqtar Irem Kıýrt – Dýrý Sokege ese jiberdi – 6:1, 5:7, 11:13. Je­keleı synda Ińkár Dúıse­baı jartylaı fınalda Natalı Djanıden utyldy – 3:6, 6:2, 5:7.

Taǵy bir almatylyq Robert Kamınskıı Germanııada 12 jas­qa deıingiler arasynda birinshi sanat­taǵy Tennis Europe dodasyn­da juptyq synda ozyq shyq­ty. Jekeleı synda ol jar­ty­laı fınalda reseılik Alek­sandr Kýnısynnan jeńildi – 3:6, 3:6.