KTK aqparatyna sáıkes, prokýror ár sottalýshyny 19-25 jylǵa qamaýdy suraǵan, biraq sot kútpegen sheshim shyǵardy.
Aıyptalýshylar aqtalyp, sot zalynda bosatyldy.
Olar birden birneshe bap boıynsha aıyptaldy - transulttyq uıymdasqan top qurý, zańsyz aqsha kontrabandasy jáne zańdastyrý.
Tergeý málimetteri boıynsha, er adamdar Japonııadan Qazaqstanǵa qosalqy bólshekter túrinde 300 mıllıon teńgege jýyq 250-den astam kólik aıdap áketken. Kólikter jalǵan qujattarmen rásimdelip satylǵan.
Sottalýshylar óz kinásin moıyndamady.
Sot olardy sheteldik kólikterdi jetkizgen júrgizýshiler dep tapty.
SQO Qylmystyq ister jónindegi mamandandyrylǵan aýdanaralyq sotynyń sýdıasy Erlan Nursharypovtyń aıtýynsha, úkim zańdy kúshine engennen keıin olar qylmystyq qýdalaý organdarynyń zańsyz áreketteri úshin moraldyq zııandy óteýdi talap ete alady.
