Nur-Sultan ýaqytymen 10:45-tegi jaǵdaı boıynsha Nıý-Iork Comex bırjasynda altynǵa tamyz fıýchersteriniń baǵasy 4,4 dollarǵa nemese 0,25%-ǵa, troıa ýnsııasy úshin 1727,3 dollarǵa deıin tómendedi.
Buǵan deıin saýda-sattyq barysynda kórsetkish eń tómengi 1721,65 dollarǵa jetken bolatyn. Bul 2021 jyldyń tamyzynan bergi eń tómengi kórsetkish. Qyrkúıek aıyndaǵy kúmis fıýchersteri 0,93%-ǵa arzandap, bir ýnsııa úshin 18,955 dollardy quraǵan.
Álemdik naryq AQSh-tan mańyzdy derekterdi kútýde. Sársenbide maýsym aıynda eldegi ınflıasııa statıstıkasy jarııalanady. Sarapshylardyń pikirinshe, jyldyq ınflıasııa bir aı buryn 8,6%-dan keıin 8,8%-dy qurady, bul 1981 jyldyń jeltoqsanynan bastap jańa rekord bolýy múmkin.
Joǵary ınflıasııa AQSh-tyń Federaldy rezervtik júıesi úshin aqsha-kredıt saıasatyn qatańdatý qajettiligi týraly sıgnal bola alady.
