«Búginnen bastap Qazaqstannyń búkil óńirlerinde qabyldaý komıssııasy qujat qabyldaýdy bastady. Jergilikti joǵary oqý oryndarynyń jáne ulttyq testileý ortalyǵynyń ózinde qujattar qabyldanýda. Naýqan búkil JOO negizinde uıymdastyrylǵan. Kez kelgen talapker qujattaryn oqý ordasyna baryp nemese onlaın túrde tapsyrýǵa múmkindik usynylyp otyr. Zoom, Teams platformalary, telefon arqyly tapsyryp, qujattaryn poshtamen joldaýyna bolady», dedi S.Nurbek.
Onyń aıtýynsha, bıyl bakalavr men magıstratýrany qosa alǵanda 88 111 grant bólingen. Bul ótken jylmen salystyrǵanda 16%-ǵa kóp. Olardyń ishinde 73 myńy bakalavrıat mamandyqtaryna arnalǵan.
«Bıylǵy jyldyń ereksheligi – Prezıdent tapsyrmasyna sáıkes basymdyq tehnıkalyq-ınjenerlik mamandyqtarǵa berilip otyr. Iаǵnı, atalǵan baǵytqa 60% grant bólindi», dedi mınıstr.
