«Úkimetke ishki ekonomıkalyq resýrstardy jumyldyratyn jańa tásilder ázirleýdi tapsyramyn. Bul rette, halyqty ózge aımaqtarǵa kóshirý baǵdarlamasyn túbegeıli qaıta qaraý kerek», dedi Prezıdent Úkimettiń keńeıtilgen otyrysynda.
Memleket basshysy elge qaıtyp kelýge nıettengen qandastarǵa tolyq kólemde qoldaý kórsetiletinin atap ótti.
«Biz tarıhı Otanyna oralǵan qandastardy tolyq qoldaımyz. Biraq, tek Mańǵystaý óńirimen shektelýge bolmaıdy. Basqa oblystarǵa, sonyń ishinde óndirisi damyǵan aımaqtarǵa qonystanýǵa bolady. Biz qajetti jaǵdaıdy jasaýǵa daıynbyz», dedi Qasym-Jomart Toqaev.
Sondaı-aq Prezıdent álemde jumys kúshiniń kóshi-qony etek alyp bara jatqanyna toqtala ketti.
«Qazirgi zamanda óńirlerde, elderde, tipti, qurlyqtarda jumys kúshiniń kóshi-qony júrip jatyr. Bul zańdy qubylysqa aınaldy. Osy úrdiske bizdiń azamattar da úırenýi kerek. Kórshi elderdiń azamattary bul jaǵdaıǵa jaqsy beıimdeldi. Biz qandastarymyzdyń barlyq salada, sonyń ishinde memlekettik qyzmette jumys istegenin qalaımyz. Olar Jańa Qazaqstandy qurýǵa óz úlesin qosady dep senemin», dedi Prezıdent óz sózinde.
