Energyprom.kz málimetine sáıkes, osy jyldyń qańtar-mamyr aılarynda elimizde dándi daqyldardan 1,4 mln tonna un óndirilgen. Bul 2021 jylmen salystyrǵanda 3,1%-ǵa artyp otyr. Undy óndiretin kóshbasshy óńirlerdiń úshtigine Qostanaı oblysy (481,8 myń tonna, 10,4%-ǵa artyq), Soltústik Qazaqstan oblysy (140,7 myń tonna, 19,7%-ǵa az) jáne Shymkent qalasy (119,7 myń tonna, 16,8%-ǵa kem) kiredi.
1,3 mln tonna usaq tartylǵan bıdaı uny shyǵarylǵan. Mundaǵy óndiristiń jyldyq ósimi 3,5%-dy quraıdy. Nan-toqash ónimderin daıyndaý úshin 86,3 myń tonna qospa, 4 myń tonna usaq jáne iri tartylǵan ósimdik uny, bıdaıdan basqa dándi daqyldardan 2,7 myń tonna usaq tartylǵan un óndirilgen.
Elimizde unǵa degen suranys joǵary deńgeıde qamtamasyz etilip otyr. Bıylǵy qańtar-sáýir aılaryndaǵy kórsetkish 99,1%-dy quraıdy.
Import 2,1 esege ósken. Eksportqa 627,3 myń tonna un jiberildi. Bul 2021 jylmen salystyrǵanda 34,6%-ǵa artyq. Osylaısha, bıylǵy qańtar-sáýirde eksport 79,2%-ǵa artyp, aqshalaı mánde 234,3 mln AQSh dollaryna jetti. Ishki naryqtaǵy satý bir jylda 461,6 myń tonnaǵa deıin nemese 18,1%-ǵa qysqarǵan.
Otandyq un О́zbekstan, Túrkmenstan, Tájikstan elderine kóp jiberildi. Al, TMD-ǵa kirmeıtin elder ishinde unnyń negizgi kólemi Aýǵanstanǵa jóneltildi.
Joǵary surypty unnyń eń joǵary baǵasy – 390 tg (Shymkent), eń tómengi baǵasy – 213 tg (Pavlodar). Al, birinshi surypty undy Qonaev qalasynyń turǵyndary 270 teńgege satyp alsa, Petropavl turǵyndary oǵan 145 teńge jumsaıdy.
