Memleket basshysy Eýropa Odaǵynyń Ortalyq Azııa jónindegi arnaýly ókili Terı Hakalamen beınebaılanys rejıminde kezdesý ótkizdi.
Kezdesý barysynda Qazaqstan men Eýropa Odaǵy arasyndaǵy seriktestiktiń ózekti máseleleri talqylandy.
Qasym-Jomart Toqaev Qazaqstannyń mańyzdy seriktesteriniń biri Eýropa Odaǵymen kópjaqty yqpaldastyqty damytýǵa múddeli ekenin naqtylap, ekijaqty strategııalyq yntymaqtastyqqa tyń serpin berýge daıyn ekenin jetkizdi.
Qazaqstan Prezıdenti jýyrda ótken konstıtýsııalyq referendým men Jańa, Ádiletti Qazaqstandy qurýǵa qatysty reformalar týraly aıtty.
О́z kezeginde Terı Hakala Prezıdentti referendýmnyń sátti ótýimen quttyqtap, Brıýsseldiń Ortalyq Azııa aımaǵyndaǵy jetekshi seriktesi Qazaqstanmen uzaq merzimdi yntymaqtastyq pen yqpaldastyqty jalǵastyrýǵa Eýropa Odaǵynyń beıildi ekenin naqtylady.
Sonymen qatar ol Eýropa Odaǵy Memleket basshysynyń reformalar júrgizý baǵdarlamasyna jan-jaqty qoldaý kórsetetinin, Qazaqstannyń kópvektorly jáne teńgerimdi syrtqy saıasatyn joǵary baǵalaıtynyn málimdedi.
Eýropa Odaǵy Qazaqstanmen kólik-logıstıkalyq baılanystardy nyǵaıtýǵa zor qyzyǵýshylyq tanytty.
Budan bólek olar óńirlik jáne jahandyq kún tártibindegi ózekti máseleler jóninde jan-jaqty pikir almasty.
