KELISIM KELISSО́ZDERDEN BASTALADY

Taıaýda  “KAZNEX INVEST” eksport jáne ınvestısııalar jónindegi ulttyq agenttik” AQ basshylyǵy Qazaqstanǵa jumys saparymen kelgen Avstrııa máshıne jasaýshylar odaǵy delegasııasymen kezdesti. Kezdesý barysynda taraptar údemeli ındýs­trııalyq-ınnovasııalyq damý baǵdarlamasy aıasynda qyzmettestikti órbitýge degen óz múddelilikterin bildirdi. “KAZNEX INVEST” AQ basqarma tóraǵasynyń orynbasary Meıirjan Maıkenov avstrııalyq delegasııaǵa memlekettiń otandyq eksporttaýshylarǵa kórsetip jatqan qoldaý sharalary týraly baıandady. Ol qazirgi ýaqytta eksporttaǵy shıkizat úlesiniń  28-30 paıyzdy quraıtynyn,  degenmen Úkimettiń bul kórset-kishti taıaýdaǵy birneshe jyl ishinde 40 paıyzǵa deıin jetkizýdi kózdep otyrǵanyn atap kórsetti. Eksporttaýshylarǵa servıstik qoldaý kórsete otyryp “KAZNEX INVEST” AQ qazaq­standyq mamandardyń shetelderde tájirıbeden ótýin uıymdastyrady, áriptes elderde saýda mıssııalaryn ótkizedi, álemdik rynoktardan otandyq taýar óndirýshiler úshin bos oryndar tabý úshin marketıngtik jáne saraptamalyq jumystar júrgizedi. Onyń syrtynda bıyldan bastap qazaqstandyq ónim óndirýshiler syrtqy rynoktarǵa shyqqan kezde shegetin shyǵyndardyń ornyn toltyrý tetigi de iske qosylatyn bolady. “KAZNEX INVEST”  AQ  basqarma  tóraǵasynyń  orynbasary Tımýr Nurashev avstrııalyq bıznesmenderge údemeli ındýs­trııalyq-ınnovasııalyq damý baǵdarlamasy sheńberinde sheteldik ınvestorlarǵa túrli preferensııalar men jeńildikterdiń beriletini týraly da habarlady.  Máselen, zaýyt salý úshin qajetti jabdyqtar ákelgen kezde kedendik baj salyǵynyń nóldik stavkasy qoldany­latyn bolady. О́z kezeginde avstrııalyq bıznes ókilderi osyndaý tanysý sapary barysynda ózderiniń túrli baǵyttardaǵy qyzmettestik jóninde jemisti kelssózder júrgizgendikterin, belgili bir salalar boıynsha ózderiniń qyzmettestikke ázir ekendikterin atap ótti. Sóz oraıynda Avstrııa máshıne jasaýshy-lar odaǵynyń  óz elindegi 1600-den astam kompanııalardyń múddelerin bildiretinin de aıta ketý qajet. S.ALMASOV.