Shymkent qalasynyń Polısııa departamenti Esirtki qylmysyna qarsy is-qımyl basqarmasynyń qyzmetkerleri «Qarasora-2022» jedel-profılaktıkalyq is-sharasy barysynda óz úıinde iri kólemde esirtki saqtaǵan 57 jastaǵy jergilikti turǵyndy quryqtady.
Tekserý barysynda atalǵan azamat esirtki zattaryn 90 polıetılendi paketterge bólshektep salyp, qurylys shelekterine jasyrǵany anyqtaldy.
Saraptama qorytyndysyna sáıkes, tárkilengen esirtki zaty keptirilgen marıhýana ekendigi belgili boldy, jalpy salmaǵy – 6 keli 363 gramdy qurady.
Sonymen qatar turǵylyqty mekenjaıy boıynsha qosymsha tekserý barysynda 2 túp sora esirtki ósimdigi alyndy.
Búginde atalǵan azamatqa qatysty sotqa deıingi tergep-tekserý jumystary júrgizilýde. Kúdikti qamaýǵa alyndy.
