Mınıstrdiń aıtýynsha, Qazaqstanda 20 maýsymnan bastap koronavırýs ınfeksııasyn juqtyrǵandar kóbeıgen. Keıingi aptada aldyńǵy aptamen salystyrǵanda syrqattaný 2,5 esege ósken.
«Elimiz boıynsha koronavırýsqa qarsy medısınalyq kómekti syıymdylyǵy 3282 tósektik 139 juqpaly aýrýlar aýrýhanasy kórsetedi. Búgin 570 naýqas stasıonar jaǵdaıynda em qabyldap jatyr. Naýqastardyń 58,3%-y – eresekter. Olardyń 40%-ynda qosymsha aýrýlar bar. Aýrýdyń kóbeıýine qaramastan aýrýhanaǵa túsken naýqastar az. Naýqastardyń 41,7%-y – balalar, al bir jasqa deıingi balalar – 23. Jalpy respýblıka boıynsha 180 bala em alyp jatyr», dedi Ajar Ǵınııat.
Onyń aıtýynsha, indet juqtyrǵandardyń 90%-ynda ınfeksııa jeńil túrde ótedi. О́lim-jitim deregi tirkelgen joq.
