«Zerde» tobyn reformalaý osy jyldyń birinshi jartyjyldyǵynda bastaldy. Atap aıtqanda, júıelik ıntegratordyń fýnksııalary «Sıfrlyq úkimetti qoldaý ortalyǵy» RMK-ǵa berildi», dedi Baǵdat Mýsın.
Onyń aıtýynsha, ınnovasııalardy damytý boıynsha biryńǵaı ekojúıeni qurý úshin «ITP», «Astana Hub» DKQ jáne «QazInnovations» ınnovasııalardy damytý jónindegi ulttyq agenttigi» AQ biriktirý usynylady.
«Odan ári shara retinde «Zerde» holdıngin «UAT» AQ-ǵa tikeleı sıfrlyq damý, ınnovasııalar jáne aeroǵarysh ónerkásibi mınıstrliginiń qaramaǵyna bere otyryp, taratý usynylady», dedi vedomstvo basshysy.
Mınıstr bul prosess barysynda holdıng jobalardy iske asyrý boıynsha tıisti materıaldardy quzyretti organdar zertteıtinin aıtty.
Eske sala ketsek, keshe Úkimettiń keńeıtilgen otyrysynda Prezıdent Qasym-Jomart Toqaev Baǵdat Mýsınge esep komıteti synǵa alǵan «Zerde» ulttyq holdıngin reformalaý jónindegi nashar jumysy úshin eskertý jasaǵan edi.
