Qazaqstan • 15 Shilde, 2022

Batysta elektr jelilerin kúsheıtý jumystary júrgizilýde

460 ret
kórsetildi
1 mın
oqý úshin

QR Energetıka mınıstri Bolat Aqsholaqov Úkimet otyrysynda «Ońtústik» energııa aımaǵynyń elektr jelilerin kúsheıtýdiń tehnıkalyq-ekonomıkalyq negizdemesi ázirlenip jatqanyn málimdedi, dep habarlaıdy Egemen.kz.

Batysta elektr jelilerin kúsheıtý jumystary júrgizilýde

«Qazirgi ýaqytta Ulttyq elektr jelilerin jańǵyrtý jumysy júrgizilýde. Onyń ishinde Batys energııa aımaǵy elektr jelilerin kúsheıtý boıynsha qurylys-montajdaý jumystaryn 2023 jyly aıaqtaý josparlanyp otyr», dedi mınıstr.

Ol, sondaı-aq Ońtústik energııa aımaǵynyń elektr júıelerin kúsheıtý boıynsha tehnıkalyq-ekonomıkalyq negizdeme ázirlenip jatqanyn jetkizdi.

«Negizdeme daıyn bolǵannan keıin jobany iske asyrýdyń parametrleri men merzimderi aıqyndalady», dedi Bolat Aqsholaqov.

Eske sala ketsek, keshe Úkimettiń keńeıtilgen otyrysynda Memleket basshysy Qasym-Jomart Toqaev Ońtústik jáne Batys aımaqtardyń elektr jelisin kúsheıtý jumystary jetkiliksiz qarqynmen júrgizilip jatqanyna eskertý jasaǵan edi.

Sońǵy jańalyqtar