«Importty almastyrý máselesi keshendi túrde sheshiledi. Jalpy 2022 jyldyń sońyna deıin agroónerkásiptik keshendi damytý boıynsha 295 mlrd teńgege 237 ınvestısııalyq jobany iske asyrý josparlanyp otyr, onyń ishinde ımporttalatyn pozısııalardyń 6 túri boıynsha 128,5 mlrd teńgege 81 joba iske asyrylmaq. Bul úshin osy jobalarǵa jeńildetilgen kredıt berý, sýbsıdııalaý, jer resýrstary men ınfraqurylymdy berý qamtamasyz etiledi», dedi ol Úkimet úıinde ótken otyrysta.
Onyń aıtýynsha, eldi qantpen qamtamasyz etý maqsatynda jańa sýarmaly jerlerdi ulǵaıtý, sý únemdeıtin tehnologııalardy engizý, tuqym sharýashylyǵyn damytý, sondaı-aq qant qyzylshasyn óńdeıtin qolda bar qýattardy tehnıkalyq jáne tehnologııalyq qaıta jaraqtandyrý sııaqty is-sharalardyń oryndalýyn kózdeıtin kant salasyn damytý jónindegi keshendi jospar ázirlenedi.
«Aq qant ımportynyń jáne quraq qant shıkizatynyń óńdeý kólemi ulǵaıtylady. Memleket basshysynyń tapsyrmasymen ishki naryqtaǵy baǵalardy turaqtandyrý maqsatynda Saýda jáne ıntegrasııa mınıstrligimen birlesip, «aınalym shemasy» sheńberinde, onyń ishinde forvardtyq kelisimsharttar tetigin damytý jónindegi jumysty jandandyrý jolymen aýyl sharýashylyǵy taýaryn óndirýshilerdi qarjylandyrýdyń basymdyǵy máselesi pysyqtalady», dedi Erbol Qarashókeev.
Eske sala ketsek, keshe Úkimettiń keńeıtilgen otyrysynda Prezıdent qant tapshylyǵyn retteı almaǵan Saýda jáne ıntegrasııa mınıstri Baqyt Sultanov pen Aýyl sharýashylyǵy mınıstri Erbol Qarashókeevke sógis jarııalaǵan edi.
