Qazaqstandyq tennısshi jartylaı fınalda dúnıejúzilik reıtıngte 102-orynda turǵan aýstralııalyq Djeıson Kýblermen kúsh synasty. Birinshi partııada breık jasaǵan Býblık sol basymdylyǵyn saqtaı aldy - 6:3. Ekinshi sette qarqynyn tipti údetti - 6:2.
Bir saǵattan astam ýaqytqa sozylǵan matchta A.Býblık 15 eıs jasap, 10 breık-poınttyń úsheýin paıdalana bildi. Qazaqstandyq sportshy fınalda reıtıngte ózinen bir saty joǵary turǵan amerıkalyq Maksım Kressımen bas júldeni sarapqa salady. Ol jartylaı fınalda taǵy bir amerıkalyq, álemniń 22-raketkasy Djon Iznerdi utty - 6:2, 4:6, 6:3.
