Baılanys sapasyna shaǵym kóp

Budan bylaı telefon, ınternet baılanysynyń sapasy jaqsarady degen úmit bar. О́ıtkeni jaqynda Memleket basshysy «Qazaqstan Respýblıkasynyń Ákimshilik quqyq buzýshylyq týraly kodeksine ózge­rister men tolyqtyrýlar en­gi­zý týraly» zańǵa qol qoıdy. En­di baılanys júıesine baılanys­ty kem-ketikter, buzýshylyqtar anyqtalǵan jaǵdaıda baılanys operatorlaryna burynǵydaı 100 AEK emes, onyń ornyna 1000 AEK kórsetkish kóleminde aıyppul salynady. Bıylǵy aılyq eseptik kórsetkish – 3063 teńge. Demek zańdy qonyshynan basqandar 3 mln 63 myń teńgege deıin aıyp­pul arqalaıdy. Al ol quqyq buzýshylyq bir jyldyń ishinde qaıtalansa, onda aıyppul kóle­mi 200-den 1500 AEK-ke deıin kóbeıedi, deıdi mınıstrlik ókil­deri.

Buǵan deıin Prezıdent baılanys salasyndaǵy tutynýshylardyń quqyqtaryn qorǵaýdy kúsheıtýdi, ınternet-baılanystyń naqty parametrleri operatorlar ýáde etken deńgeıden áldeqaıda alshaqtyǵy úshin jaýapkershilikti engizýdi jáne qatańdatýdy tapsyrǵan bolatyn. «Bul tapsyrmany iske asyrý úshin Sıfrlyq damý, ınnovasııa­lar jáne aeroǵarysh ónerkásibi mınıstrligi depýtattyq korpýs­pen birlesip, operatorlardyń tutynýshylarǵa standarttar men tehnıkalyq normalarǵa jáne sapa kórsetkishterine sáıkes kelmeıtin baılanys qyzmetterin kórsetkeni úshin jaýapkershilikti kúsheıtýge baǵyttalǵan sharalardy ázirledi. Sonyń biri – aıyppuldy kóbeıtý», dep habarlaıdy vedomstvonyń baspasóz qyzmeti.

Tutynýshylar da baılanys operatorynyń qyzmetine shaǵym jasap, ınternettiń nashar sapasyna tekserý júrgizý úshin ótinish berýge bolady. Ol úshin aryz-sha­­ǵym­dy mınıstrlikke qarasty Tel­e­­­kom­mýnıkasııalar komıtetiniń (SDIAО́M) ne tıisti oblys mınıs­trliginiń aýmaqtyq baılanys ıns­pek­sııasynyń mekenjaıyna «Elek­trondy úkimet» portaly, «E-Otinish» ótinishter berý júıesi arqyly ne qaǵaz túrinde joldaýy qajet. О́tinishte shaǵymnyń mánin, baılanys operatorynyń ataýyn jáne tekserý júrgizý úshin ótinish berýshiniń naqty mekenjaıyn kórsetý mindetti.

«О́tinish kelip túskennen keıin prokýratýra organdarynda tekserýdi taǵaıyndaý týraly akt tirkeledi. Tekserý barysyn­da kórsetiletin baılanys qyzmet­teri­niń sapasy boıynsha ólshemder júrgiziledi. Operatorǵa qatysty buzýshylyqtar anyqtalǵan jaǵ­daıda «Ákimshilik quqyq buzýshy­lyq týraly» kodekstiń 637-babyna sáıkes aıyppul túrinde ákimshilik hattama toltyrylady jáne laýazymdy tulǵa belgilegen merzimge buzýshylyqtardy joıý týraly nusqama engiziledi», delingen mınıstrliktiń habarlamasynda.