Júlde qory 595 myń AQSh dollaryna jýyqtaıtyn jarystyń jartylaı fınalynda jerlesimiz dúnıejúzilik reıtıngte 102-orynda turǵan aýstralııalyq Djeıson Kýblermen kúsh synasty. Eki partııaǵa jalǵasqan oıynda qazaqstandyq tennısshi qarsylasyn 6:3, 6:2 esebimen tize búktirdi. Endi A.Býblık fınalda reıtıngte ózinen bir saty joǵary turǵan amerıkalyq Maksım Kressımen bas júldeni sarapqa salady. Sondaı-aq Beıbit Juqaev ta elordada ITF serııasy boıynsha ótip jatqan M25 týrnıriniń fınalyna shyqty. Jerlesimiz fınalda ózbekstandyq Sergeı Fomınmen kúsh synasady.
О́kinishke qaraı, áıelder arasyndaǵy álemniń 32-raketkasy qazaqstandyq Iýlııa Pýtınseva Majarstannyń bas shahary – Býdapeshtte ótken WTA 250 týrnıriniń fınalyna shyǵa almady. Byltyr dál osy Býdapesht korttarynda uıymdastyrylǵan jarysta top jarǵan Iýlııa Pýtınseva bıyl ataǵyn qorǵaı almady. Týrnırdiń jartylaı fınalynda ol álemniń 105-raketkasy serbııalyq Aleksandra Krýnıchten eki sette jeńilip qaldy – 6:2, 6:2.
