Oblystyq tótenshe jaǵdjaılar departamentiniń habarlaýynsha órt 17 shildede 18:50-de bastalǵan. Alǵa qalasynyń Abaı kóshesindegi «Lımangaz» gaz quıý stansııasynda kólemi 46 tekshe metrlik eki sısterna jarylǵan.
«Jarylys ornyna 26 órt sóndirýshi men jeti órt sóndrý kóligi attandy. Jarylys pen órt saldarynan «Toıota Kamrı», júk artý kóligi zardap shekti, sonymen qatar alańy 22 sharshy metr janar-jaǵar maı stansııasynyń ǵımaraty órtenip ketti. Stansııanyń úsh qyzmetkeri der kezinde ǵımarattan shyǵyp úlgergen», delingen habarlamada.
Sondaı-aq órt sóndirýshiler syıymdylyǵy 54 jáne 10 tekshe metr bolatyn eki sısternanynyń jarylýynyń aldyn aldy.
Tótenshe jaǵdaılar departamentiniń málimetinshe, zardap shekkender men qaza bolǵandar joq.
