2022 jylǵy 14 shildede Shymkent qalasynda Medısınalyq jáne farmasevtıkalyq baqylaý komıtetiniń Túrkistan oblysy boıynsha departamenti basshysynyń orynbasary Erlan Kýrbanhodjaevqa qatysty sot úkimi shyqty. Aıyptalýshyǵa 27 mıllıon teńge kóleminde aıyppul salyndy.
Osy úkimmen Medısınalyq jáne farmasevtıkalyq baqylaý komıtetiniń Shymkent qalasy boıynsha departamenti basshysynyń orynbasary Turmanov, «KAUSAR KLINIKASY» JShS basshysy Adahamov, «Nızam Ata» JShS ókili Ahmadalıev pen Nyshanbaevqa 2 mıllıonnan 20 mıllıon teńgege deıingi túrli aıyppuldar salyndy.
Qurbanhodjaev Adahamov pen Nyshanbaevtyń deldaldyǵy arqyly «Nızam Ata» jáne «KAUSAR KLINIKASY» JShS basshylyǵynan medısınalyq qyzmetke lısenzııa bergeni úshin 800 myń teńge kóleminde para alǵany úshin kináli dep tanyldy.
Turmanov Nyshanbaevtyń deldaldyǵy arqyly klınıkalyq tájirıbege jiberý maqsatynda maman sertıfıkatyn bergeni úshin jalpy somasy 60 myń teńge alyp otyrǵany anyqtaldy.
«Sottalǵandar ómir boıy memlekettik laýazymdarda qyzmet etý quqyǵynan aıyryldy. Úkim zańdy kúshine engen joq», delingen Qazaqstan Respýblıkasy Sybaılas jemqorlyqqa qarsy is-qımyl agenttiginiń Shymkent qalasy boıynsha departamenti taratqan habarlamada.
