Qujatqa sáıkes, Tájikstanda qazaqstandyq jerseriktik baılanys resýrstary arqyly elimizdiń alysta ornalasqan eldi mekenderi úshin baılanys arnalary uıymdastyrylady.
Shartqa «Respýblıkalyq ǵaryshtyq baılanys ortalyǵy» AQ Basqarma tóraǵasynyń orynbasary Vasılıı Leonov pen «Isatel» JShQ dırektory Ýmed Tagoev qol qoıdy.
«Isatel» JShQ kompanııasy «Teleradıokom» AAQ enshiles uıymy jáne Tájikstandaǵy baılanys operatory bolyp tabylady. Onyń Dýshanbe qalasynda óziniń teleporty jáne jelilik basqarý stansııasy bar, eldiń memlekettik organdary men jeke kompanııalary úshin Internetke qol jetimdilikti qamtamasyz etedi.
Qazaqstannyń jerseriktik baılanys júıesi elimizdiń baılanys qyzmetteri qajettiligin tolyǵymen qamtamasyz etedi, «Respýblıkalyq ǵaryshtyq baılanys ortalyǵy» AQ Qyrǵyz Respýblıkasyna da ǵaryshtyq baılanys ónimderin jetkizedi.
Aıta ketsek, sıfrlyq ındýstrııa qyzmetteriniń eksportyn ulǵaıtý mindetin el Prezıdenti Qazaqstan halqyna Joldaýynda memleket ekonomıkasyn damytýdyń quramdas bólikteriniń biri retinde atap ótken edi.
