«Qurmetti ata-analar!
Balalar - árqaısymyzdyń ómirimizdegi eń qymbat baılyǵymyz. Bul eshqandaı túsindirýdi qajet etpeıtin aksıoma.
Sondyqtan, Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa sizderden jas balalardy qaraýsyz jáne olardyń densaýlyǵy men ómirine qaýip tóndiretin jaǵdaılarda qaldyrmaýdy suraıdy.
Sońǵy kezderi jazataıym oqıǵalar men qylmystardyń saldarynan qaza tapqan jáne zardap shekken balalar týraly jańalyqtar kóbeıýde. Árbir fakt – úlken qasiret, biz olardyń aldyn ala alamyz, aldyn alýymyz kerek jáne aldyn alýǵa mindettimiz.
О́z kezeginde Ulttyq komıssııa ata-analar úshin óz balalaryn tárbıeleýmen kóbirek aınalysýǵa, jaýapty ata-ana mádenıetin ilgeriletýge, sondaı-aq balalardyń ómiri men densaýlyǵyna jaýapty qurylymdardyń qyzmetine qoǵamdyq baqylaýdy qamtamasyz etýge múmkindik beretin quqyqtyq ortany damytý jóninde sharalar qabyldaýǵa nıetti.
Qazir demalys, belsendi demalý, onyń ishinde sý mańynda demalý kezeńine sáıkes keletin dástúrli jazǵy demalys ýaqyty. Onyń ústine bul kúnderi kóshede kún ystyq, sonyń kesirinen kópqabatty páterlerdiń terezelerin ashyq qaldyrýshylar kóp.
Buǵan qosa, elimizdiń túkpir-túkpirinde myńdaǵan bala kúndizgi ýaqytta ózderimen-ózderi qalyp qoıady.
Balalaryńyzdy qaýipti jaǵdaıda qaldyrmańyzdar! Sergek jáne jaýapty bolyńyzdar!
Balalaryńyzdyń qaýipsizdigi sizderge baılanysty!», delingen úndeýde.
