15 tamyzdan bastap Abaı shaǵynaýdanynan Karernaıa kóshesi arqyly Momyshuly metro stansııasyna deıin júretin №49 jáne Asyl arman yqshamaýdanynan Besaǵash shaǵyn aýdanyna deıin qatynaıtyn №100 marshrýttardy ashý josparlanǵan.
Sondaı-aq 30 tamyzdan bastap Kemertoǵan shaǵym aýdanynan Momyshuly metro stansııasyna deıin qatynaıtyn №53 marshrýtty iske qosý josparda bar.
Al qoldanystaǵy №137 marshrýt ekige bólinedi. Osylaısha, batys bólikte Naýryzbaı aýdanynyń ákimshilik ortalyǵynan Adem SO deıin qysqartylǵan №137 marshrýt qalady, al shyǵys bólikte Adem SO men Qaırat shaǵynaýdany aralyǵynda №138 qatynaıdy.
№55 marshrýt metro stansııalaryna deıin jetkizýshi retinde ashylyp, bastapqyda ony Momyshuly stansııasyna deıin qysqartý josparlanǵan edi. Alaıda jolaýshylardyń suranysy joǵary ekendigi eskerilip, baǵytty Altynsarın dańǵylynan keri burý týraly sheshim qabyldandy.
№110 marshrýt 10 tamyzdan bastap bir aıaldamaǵa uzartylyp, Momyshuly metro stansııasymen baılanysatyn bolady.
№212 marshrýtty 15 tamyzdan bastap qala ortalyǵyna deıin qysqartý josparlanǵan. Endi marshrýt Jandosov eldi mekeninen Saın-Jandosov kósheleri qıylysyna deıin júredi.
Qosa ketsek, 15 tamyzdan bastap №78 marshrýt Almatyǵa soltústik batys bólikten kiretin qala mańy turǵyndary úshin Momyshuly metro stansııasyna jetkizetin marshrýt bolady. Al №23 marshrýt Almaty-2 temir jol vokzalyna deıin qysqartylady.
