Keıingi segiz jyl ishinde STADA jyl saıyn Eýropanyń ártúrli elderindegi adamdardyń densaýlyǵyna qatysty máselelerdi qarastyratyn keńeıtilgen Health Report shyǵarady. Bıyl esepke alǵash ret Qazaqstan qosyldy. Osy jyldar ishinde STADA Health Report densaýlyq saqtaý salasyndaǵy eń bedeldi jáne aýqymdy eýropalyq zertteýlerdiń biri boldy. Zertteý qoǵamdyq densaýlyq saqtaý salasyndaǵy mamandarǵa, jýrnalısterge jáne qarapaıym azamattarǵa jahandyq jáne jergilikti bólimderde adamdardyń óz densaýlyǵyna degen kózqarasy qalaı ózgeretinin, óz eliniń densaýlyq saqtaý júıesin qalaı baǵalaıtynyn, osy salada qandaı jańa tendensııalar men máseleler paıda bolatynyn kórýge kómektesedi. Bıyl zertteýge 30 myńnan asa adam qatysty.
«STADA farmasevtıkalyq kompanııasy Qazaqstanda 2002 jyldan bastap jumys isteıdi. IQVIA derekteri boıynsha, 2021 jyldyń qorytyndysyna sáıkes bizdiń kompanııa Consumer Healthsare (reseptýrasyz quraldar, vıtamınder, BBQ) segmentinde naryqta ekinshi oryn alady. Biz naryqtaǵy jetekshi ustanymdarymyzdy maqtan tutyp qana qoımaı, sondaı-aq salany damytý jáne Qazaqstannyń densaýlyq saqtaý júıesin nyǵaıtýǵa úles qosý úshin óz jaýapkershiligimizdi sezinemiz. Búgin biz STADA Health Report tórtinshi aýqymdy zertteýiniń nátıjelerimen ulttyq densaýlyq saqtaý júıesin nyǵaıtý boıynsha odan ári jumys isteý úshin bólisemiz, osylaısha óz mıssııamyzdy – adamdardyń densaýlyǵyna qamqorlyq jasaýdy ustanamyz», dedi TMD elderi boıynsha STADA dırektory Armınas Masevıchýs.
Tómende STADA Health Report 2022 zertteýiniń keıbir derekteri keltirilgen. Mysaly, qazaqstandyqtardyń basym bóligi resmı medısınaǵa senedi. Eki pandemııalyq jyl ishinde aq halatty adamdar kóptegen adamnyń ómirin saqtap qaldy jáne qoǵam ony baıqamaı qalmady. Saýaldamaǵa qatysqan Qazaqstan turǵyndarynyń 61%-y resmı medısınaǵa, ıaǵnı emhanalar men stasıonarlarda kórsetiletin qyzmetterge senedi. Resmı medısınaǵa senetin Qazaqstan turǵyndarynyń 35%-y ǵalamtordaǵy aqparatty qaıta tekseredi. Respondentterdiń taǵy 17%-y emdeýdiń balama ádisterin (mysaly, gomeopatııa jáne akýpýnktýra) bilgisi keletinderin moıyndady. Sonymen qatar 47% qazaqstandyqtar densaýlyq máselesinde ǵalymdarǵa senim artady.
Bul zertteýler Qazaqstandyqtardyń densaýlyq máselesinde kóbine ǵalymdarǵa senim artatynyn kórsetedi, bul kórsetkish 47%-ǵa jetti. Ekinshi orynda – terapevtter (41%). Senim artý deńgeıi boıynsha kóshbasshylar úshtigine epıdemıologter de (40%) kirdi. Al Qazaqstandaǵy respondentterdiń árbir úshten biri farmasevterge senedi. Eýropalyqtar ǵalymdardy reıtıngte ekinshi orynǵa aýystyrǵan (61%) jalpy tájirıbelik dárigerlerge (65%) kóbirek senim artady. Úshinshi orynǵa 60% kórsetkishpen basqa medısına qyzmetkerleri (terapevt dárigerden basqa), aýrýhana qyzmetkerleri jáne kishi medısına qyzmetkerleri shyqty. Farmasevterdiń aqparatyna eýropalyqtardyń 57%-y senedi.
Keıingi eki jyl ishinde álemniń barlyq eldiń densaýlyq saqtaý júıeleri úlken júktemege tap boldy. Qazaqstandyq respondentterdiń 58%-y jáne suralǵan eýropalyqtardyń 57%-y pandemııa kezinde emdelýde qıyndyqtarǵa tap bolǵanyn atap ótkeni tańǵalarlyq emes. Qazaqstandyqtardyń 30%-y (Eýropa boıynsha ortasha kórsetkish 22%) dárigerge der kezinde jazyla almady. Qazaqstandyqtardyń 28%-y jetkizýdegi irkilisterge baılanysty dárihanada qajetti dári-dármekterdi taba almaǵanyn naqtylady (Eýropa boıynsha ortasha kórsetkish – 10%). Qazaqstan turǵyndarynyń 12%-y jáne Eýropa turǵyndarynyń 22%-y aýrýdy juqtyryp alýdan qorqyp, dárigerge barýdy keıinge qaldyrdy nemese toqtatty. Qazaqstandyqtardyń taǵy 16%-y qarjylyq qıyndyqtarǵa baılanysty dári-dármek satyp ala almady, al saýaldamaǵa qatysýshy eýropalyqtardyń ondaıy tek 6% boldy. Pandemııa kezinde adamdar arasyndaǵy qashyqtan baılanys qarqyndy damydy. Telemedısına jahandyq trendke aınalýda. Muny STADA Health Report zertteýiniń nátıjeleri de rastap otyr. Dálirek aıtsaq, Qazaqstan turǵyndarynyń úshten ekisi (68%) dárigerdiń kúrdeli emes nemese qaıtalanǵan aýrýlar kezinde web-ınterfeıs arqyly olarǵa konsýltasııa berýine múmkindik berdi. Bul kórsetkish ortasha eýropalyq kórsetkishten (64%) asyp tústi.
