Aıyptalýshylar QR QK-niń 272-babynyń 2,3-bólikterine sáıkes kináli dep tanyldy. Tekserý barysynda olardyń polısııa basqarmalarynyń ǵımarattaryn órteý, basyp alý, jappaı tártipsizdikke qatysýshylardy shabyttandyrý, adamdardy qarýlandyrý, qarjylandyrý, arnaıy tehnıkalardyń júrýine kedergi jasaý úshin júk kólikterimen iri jáne maıda tastardy tógý týraly uıaly baılanys arqyly sóıleskendikteri anyqtaldy.
«Kúdiktilerdiń 2021 jyly QR QK-niń 405-babynda (ekstremıstik qylmystardy) qarastyrylǵan qylmystardy jasaǵany, probasııalyq baqylaýdyń esebinde turǵany, aldyn jasaǵan qylmystarynan nátıje shyǵarmaǵandary belgili boldy», delingen qalalyq PD habarlamasynda.
Aıta ketsek, qańtar aıynyń 5-nen 6-na qaraǵan túni Shymkent qalasy ákimshilik ǵımaratynyń aldynda jappaı tártipsizdik uıymdastyrylǵan edi. Uıymdastyrýshylar Nazarbaev dańǵylynyń boıynda «Rýpor» dybys kúsheıtkish quralyn paıdalanyp, adamdardy tártipsizdikke shaqyrǵan.
