«О́kinishke qaraı UBT-2022 beınejazbalaryn qaıtadan tekserý barysynda eń joǵary 139 ball jınaǵan testilenýshiniń ereje buzǵany belgili boldy. Sáıkesinshe, onyń nátıjesi joıylyp, grant konkýrsyna qatysý múmkindiginen aıyryldy. Buǵan deıin de 139 ball jınap, biraq ereje buzǵan 2 talapkerdiń nátıjesin joıǵanymyzdy aıtqan bolatynmyn. Al bul – tirkelgen úshinshi jaǵdaı. Endi eń maksımaldy ball – 138, ony 4 talapker jınady. Tórteýiniń de nátıjesin tekserý jumysy jalǵasyp jatyr. Esterińizge sala keteıin, anomaldy joǵary ball (+20 baldan +80 balǵa deıin) jınaǵan talapkerlerdiń nátıjesi bizdiń erekshe baqylaýymyzda», dep jazdy Ulttyq testileý ortalyǵynń dırektory Rýslan Emelbaev áleýmettik jelidegi paraqshasynda.
Ol sondaı-aq UBT sertıfıkatyn qoldan jasaý zańsyz jáne paıdasyz ekenin eskertti. Sebebi UBT boıynsha barlyq derek ortalyqtyń bazasynda bar.
