Qazirgi ýaqytta bakalavrıatqa barlyǵy 2700 grant bólingen. Máselen, «Meıirbıke isi», «Farmasııa», «Jalpy medısına/Medısına», «Stomatologııa», «Pedıatrııa», «Qoǵamdyq densaýlyq» mamandyqtaryna - 2335 grant, kvota - 365 grant (jetim balalar, múgedektigi bar tulǵalar jáne t. b.), 20 grant - halyqaralyq kelisimder sheńberindegi granttar.
Magıstratýraǵa Densaýlyq saqtaýdaǵy menedjment, Qoǵamdyq densaýlyq saqtaý, Meıirbıke isi, Farmasııa, Bıomedısına, Medısına, Medısınalyq-profılaktıkalyq is mamandyqtary boıynsha 325 grant bólindi. Máselen, 2023 jyly memlekettik granttardyń sany 1500-diń ornyna 1700-ge deıin, 2024 jyly - 1800, 2025 jyly - 2000-ǵa deıin ulǵaıady.
Aıta keteıik, rezıdentýranyń memlekettik bilim tapsyrysyn bólý kezinde densaýlyq saqtaý, aımaqtandyrý basqarmalarynyń ótinimderine jáne JOO, ǴZI, UO ótinimderine sáıkes óńirlerdiń qajettiligi eskeriledi. Tutastaı alǵanda, medısına kadrlaryn daıarlaýǵa arnalǵan memlekettik bilim berý tapsyrysy óńirlerdiń qajettiligi men jergilikti atqarýshy organdardyń ótinimderi eskerile otyryp qalyptastyrylady.
Jyl saıyn respýblıkalyq komıssııa densaýlyq saqtaý salasyndaǵy bilim berý uıymdary úshin mamandyqtar boıynsha bilim granttaryn alqaly túrde bóledi.
