Kezdesý barysynda zaýyttyń qant qyzylshasyn satyp alýdaǵy baǵasy tómen ekeni aıtyldy. Jyl saıyn jınalǵan ónim qant zaýyttaryna óńdeýge tapsyrylady. Al zaýyttar tóleıtin baǵa qyzylsha ósirýshilerdiń jumsaıtyn shyǵyndaryna sáıkes kelmeıdi. 2021 jyly zaýyt pen memleket bir keli qyzylsha úshin 20 teńge tólegen.
Sharýalardy qoldaý maqsatynda bıyl memleket qant zaýyttarynyń satyp alý baǵasyn ulǵaıtty: endi zaýyt 15 teńge, al memleket sýbsıdııa retinde 15 teńge tóleıtin bolady. Osylaısha, bir tonna qant qyzylshasy úshin sharýalar 30 myń teńge alady. Orta eseppen oblysta fermerler qant qyzylshasynan gektarynan 350-den 400 sentnerge deıin ónim jınaıdy, aǵymdaǵy jylǵa jospar 200 myń tonna.
Sondaı-aq kezdesýge qatysqan óndirýshiler qyzylsha egetin aımaqty sýmen qamtamasyz etý, fermerler men qaıta óńdeý zaýyttaryn tehnıkalyq jabdyqtaý máselelerin talqylady.
О́ńirdegi eń iri qant zaýyttarynyń biri - «Kóksý qant zaýyty» JShS táýligine 2000 tonnaǵa deıin qant qyzylshasyn óńdeıdi. Kúnine 200 tonnadan astam daıyn ónim alady. 2022 jyldyń basynan kásiporyn 29 myń tonna qant óndirdi. Zaýyt jylyna 250 myń tonna qant óndiredi. Sondaı-aq quraq qantynyń jyldyq qýaty 35 myń tonna shıkizatty quraıdy.
Vıse-mınıstr júıeli sıpattaǵy problemalar men usynystar úkimettik deńgeıde qaralatynyn aıtty.
