Street workout týrnıri

– Street workout boıynsha osy týrınırdi qabyldap alý – biz úshin úlken mártebe. Buqaralyq sportty damytý – Memleket basshysynyń aldymyzǵa qoıyp otyrǵan mindet­teriniń biri. Buǵan deıin Oceanman jappaı júzý jarysyn da ótkizgen edik. Jańa mártebesine saı Qonaev qalasynyń sporttyq ınfraqurylymyn odan ári damytatyn bolamyz. Osy týrnırdi ótkizý balalar men jastardyń belsendi ári salamatty ómir saltyn ustanýǵa degen qyzyǵýshylyǵyn arttyrýǵa oń yqpal etedi. Jalpyrespýblıkalyq týr­nır­diń dál bizdiń qalada bas­talýynyń ózinde sımvoldyq mán bar, – edi Almaty obly­synyń ákimi Marat Sul­tanǵazıev jarystyń ashylý saltanatynda. 

О́z kezeginde osy týrnırdi ótkizý jónindegi ıdeıanyń avtory, belgili prodıýsser Nurlan Qoıanbaev barlyq qatysýshylardy quttyqtap, týrnırdiń kúzde Nur-Sultan qalasynda óte­tin grand fınalyna jetýlerine tilek­testigin bildirdi. Al jarystyń qatysý­shylary men kórermenderi úshin joba ambassadory, jattyqtyrýshy, akter Aı­tym Jaqypov óz tobymen birge sheber­­lik saǵatyn ót­kizdi. Aıtpaqshy, Aı­tym Ja­­­qypov street workout boıynsha Qazaqstanda jáne álem­de
bir­ne­she dúrkin rekord jasaǵan sportshy jáne Eýropanyń street lifting boıynsha rekordshysy da atanǵan biregeı tulǵa.

Qonaev qalasynda tusaýy kesilgen Street workout týr­nı­rine qatysýshylar sal­ma­ǵy men jasyna qaraı toǵyz sanat boıynsha baq sy­na­dy. Jeńimpazdarǵa 50 myń­nan 200 myń teńgege deıin aqshalaı syılyqtar beril­di. Budan bólek, Almaty obly­synyń ákimi Marat Sultan­ǵazıev eń eresek qatysýshyǵa, ıaǵnı 76 jastaǵy ardager Bular Meıirjanovqa arnaıy syılyq taǵaıyndap, onyń sporttaǵy bul qada­my­nyń ózgelerge úlgi bolar­lyq is ekenin atap ótti. Sol sııaqty on úsh jasar Ámir­han Ánýarbekov eń jas qatysýshy nomınasııasynyń jeńimpazy atandy. Jalǵyz áıel qatysýshy Ji­bek Qu­lym­betovanyń da talpyny­sy eskerýsiz qalǵan joq.Kórer­men kóz­aıymy atalymynda Qarasaı aýdan­dyq PB patrýldik qyzmetiniń ıns­pektory, aǵa leıtenant Alhazýr Dadaev úzdik dep tanyldy. 38 jasar quqyq qorǵaýshy týrnırde po­lısııa formasyn kıip qatys­qanyn da atap ótý kerek. Jalpy, qyzyqty ótken is-shara qazaqstandyq estrada óneri ıeleriniń konserttik baǵdarlamasymen aıaqtaldy.

Almaty oblysy