SSKA jańa maýsymnyń alǵashqy oıynynda Ekaterınbýrgtiń «Ýral» komandasyn qabyldap, óz alańynda 2:0 esebimen jeńiske jetti. Bul matchta Qazaqstan ulttyq quramasynyń ókili jasyl alańda 90 mınýt boıy oınap, komandasynyń jeńiske jetýine súbeli úles qosty. WhoScored ınternet-portaly otandasymyzdyń alǵashqy týrdaǵy oıynyn joǵary baǵalap, oǵan 7,9 upaı berdi. Osy nátıjesiniń arqasynda ol tańdaýly fýtbolshylar ǵana enetin týrdyń shartty quramynan tabyldy. Aıta keteıik, ádette jartylaı qorǵanysta jáne shabýylda oınaıtyn Baqtıer Zaınýtdınov bul matchta ortalyq qorǵaýshynyń qyzmetin atqardy.
Sondaı-aq ulttyq quramanyń taǵy bir oıynshysy Nuráli Álip oınaıtyn Sankt-Peterbýrgtiń «Zenıt» klýby birinshi týrda «Hımkımen» teń tústi – 1:1. Alaıda bul matchta otandasymyz qosalqy quramda qalyp qoıdy.
