«Tek sońǵy 3 jyldyń ishinde prokýrorlar 18 mln gektar bos jáne 3 mln gektar zańsyz berilgen jaıylymdardy anyqtady, olardyń 5 mln gektary memleketke qaıtarylyp, 4 mln gektary aınalymǵa tartyldy», delingen vedomstvo aqparatynda.
Ýchaskelerdi ıgerýge múmkindigi joq adamdar jerdiń jasandy tapshylyǵyn týdyratyny atap ótildi.
«El boıynsha 15 mln gektarǵa jýyq qoǵamdyq jaıylymdar jetispeıdi, bul jeke qosalqy sharýashylyqtardyń mal jaıý problemasyn týǵyzady. Jaǵdaıdy jaqsartý úshin bıyl Aýyl sharýashylyǵy mınıstrligimen birlesip, memleketke qosymsha 5 mln gektar jerdi qaıtarý josparlanýda», delingen Bas prokýratýra habarlamasynda.
Bul aýyldyq eldi mekender mańyndaǵy jaıylymdyq jerlerdi jeke tulǵalarǵa berýge jol bermeýge múmkindik beredi.
«Jaıylymdardy berý kezindegi zań buzýshylyqtar jáne tıisti baqylaýdyń joqtyǵy úshin prokýratýra organdarynyń qadaǵalaý aktileri boıynsha 520 laýazymdy tulǵa tártiptik jaýapkershilikke tartyldy», dep qosty vedomstvodan.
