Tórt kúnge sozylǵan qurlyq birinshiligine Qazaqstannan 20 sportshy qatysyp, baq synady.
50 keli salmaq dárejesinde óner kórsetken jerlesimiz jarystyń ekinshi kúninde aldyna jan salmady. Nátıjesinde elordalyq Erbolat Syzdyq jasóspirimder arasynda Azııa birinshiliginiń altyn medalin jeńip aldy.
«Qarsylastarym óte myqty boldy. Bári jaqsy daıyndalǵan. Birinshi oryn úshin aıqastyń ózi tartysty boldy. Endi tamyz aıynda álem chempıonaty ótedi. Sol jarysta tek altyn ákelýge tyrysyp, elimniń namysyn qorǵap, kók týymyzdy jelbiretip, án uranymyzdy shyrqatýǵa bar kúsh-jigerimdi salamyn. Áli ýaqyt bar, jattyǵýlardy úzbeı jasaý kerek», dedi Erbolat.
Sportshy buǵan deıin de dzıýdodan el chempıonattary men álemdik jarystarda júldeger atanyp, qalanyń mereıin asyrǵan bolatyn.
18-21 shilde aralyǵynda ótken sary qurlyqtaǵy bul jarys Qazaqstan jasóspirimder quramasy úshin jyldyń basty dodasy álem chempıonatyna daıyndyqtyń negizgi kezeńi bolyp sanalady.
Jalpy Azııa chempıonatynyń qorytyndysy boıynsha qazaqstandyq jasóspirim dzıýdoshylar 13 medal ıelendi. Onyń tórteýi altyn, úsheýi kúmis, altaýy qola júlde.
Osylaısha, baıraqty básekede otandastarymyz el namysyn 16 salmaq dárejesinde qorǵap, jalpy komandalyq esep boıynsha II orynmen aıaqtady.
