EKO-jobalar talqylanady

Eko-jobanyń basty maqsaty – halyqtyń ekologııalyq problemalardan, kómirtegi beıtaraptylyǵy týraly aqparattandyrylýyn qamtamasyz etý, sondaı-aq turǵyndardy  ekologııalyq bastamalarǵa tartý.

Búginge deıin EcoVision jobasy aıasynda birneshe áleýmettik is-shara ótti. Jýyrda Aqtaýda EcoVision ekolo­gııa­lyq jobasynyń qatysýshylary úshin alǵash­qy vorkshop uıymdastyryldy. Qoǵam belsendileriniń aıtýyna qaraǵanda, vorkshop – ǵylymı-zertteýler júrgizip, óńirdegi ekologııalyq máselelerdi sheshýdiń zor múmkindigi.

Is-shara barysynda Aqtaý qalasyndaǵy Nazarbaev zııatkerlik mektebiniń oqý­shylary men Yessenov University stý­den­tteri qorshaǵan ortany qorǵaýǵa qa­tysty jobalaryn ázirlep, ekologııalyq saýattylyǵyn jaqsartty. Sonymen qa­tar óńirde uqypty oılaý taqyrybyna arnalǵan onlaın sheberlik saǵattary ótkizildi.

EcoVision jobasy arqyly biz jas­tar arasynda eko-oılaý men sanaly tutyný qaǵıdattaryn, ekologııaǵa qatys­ty belsendi azamattyq ustanymdy qalyp­tastyrǵymyz keledi. Bizdiń maqsat – bola­shaqta jergilikti jáne jahandyq eko­logııalyq problemalarǵa áser ete alatyn ekokóshbasshylardy tárbıeleý», deıdi joba jetekshisi Madına Kınaıatova.

Tamyz aıynda qoǵam belsendileri joba qatysýshylary úshin taǵy da bir offlaın-trenıng ótkizbek.

Al qyrkúıekte aqtaýlyq oqýshylar men Yessenov University stýdentteri «Ekohakatonnyń» qatysýshylary atanady dep kútilýde. Jarys barysynda oqýshylar men stýdentter óńirdiń ekologııalyq máselelerin sheshýge arnalǵan óz kózqarasyn usynýǵa tıis. Uıymdastyrýshylardyń aıtýynsha, «Ekohakaton» jańa ekojańashyldyqtarǵa serpin berip, jastar arasynda ekolo­gııalyq saýattylyqty arttyra alady. Al úzdik jobalardyń avtorlary baǵa­ly syılyqtarmen marapattalady dep jospar­lanǵan.

Eske salaıyq, EcoBatys bastamasy aıasyndaǵy áleýmettik jobany «Shell Qazaqstan» kompanııasynyń já­ne Azamattyq bastamalardy qol­daý ortalyǵynyń qoldaýymen Qazaq­Geography RQB júzege asyrýda.