Senatorlar aımaq turǵyndarymen kezdesti

Senat depýtaty Saǵyndyq Luq­pa­nov jumys saparymen Atyraý obly­synda boldy. Ol sapar barysynda birqatar eldi mekenderdi aralap, kásipkerlermen jáne aýdan­dyq máslıhat depýtattarymen kez­desti. Senator Mahambet aýdanyn­daǵy áleýmettik nysandardy aralap, Aqjaıyq aýylynda ornalasqan aýda­ny 22 gektar bolatyn jylyjaı qury­lysymen tanysty. Depýtat Isataı aýda­nyndaǵy birqatar áleýmettik nysan­dardy kórdi jáne aýdan ortaly­ǵyndaǵy qurylysy jaqynda ǵana aıaqtalǵan 320 oryndyq mektep ǵımaratynda boldy. Kezdesý barysynda densaýlyq saqtaý júıesi, joldar, óńirdegi aýyz sýmen qamtamasyz etý máseleleri talqylandy.

Depýtat Lázzat Qaltaeva Almaty qala­syna jumys sapary barysynda zaǵıp jáne nashar kóretin azamat­tarǵa arnalǵan respýblıkalyq kitap­hanaǵa bardy. Senator sonymen qatar «ERZI» áleýmettik-ońaltý ortaly­ǵynyń qyzmetin paıdalanýshylar­men de kezdesti. Kezdesýde arba paıda­la­ný­shylarǵa arnalǵan qoljetimdi ortanyń máseleleri, ońaltýdy tehnıkalyq qural­darmen qamtamasyz etý kezin­degi jekelegen ádis-tásilder, sondaı-aq shıpajaı-kýrorttyq emdeýge qol jet­kizýge qatysty taqyryptar talqy­landy. Depýtat óz sózinde kóterilgen máseleler júıelenip, aldaǵy sessııa barysynda depýtattyq saýaldar ázirleý men zań shyǵarý jumystarynda nazarda bolatynyn aıtty.

Andreı Lýkın Nur-Sultan qalasy po­lısııa departamentiniń Baıqo­ńyr, Esil, Almaty jáne Sary­arqa aýdandaryndaǵy polısııa basqar­malaryna bardy. Ol Palatanyń zańna­malyq jumysy týraly basqarma qyzmetkerlerine aıtyp berdi. Atap aıtqanda, quqyq qorǵaý qyzmetin ótkerý tártibin jetildirý, quqyq qorǵaý, arnaýly memlekettik organ­dar qyzmetkerleri men áskerı qyzmet­shilerdiń quqyqtyq jáne áleýmettik qor­ǵalýy men jaýap­ker­shiligin arttyrý, ishki ister organda­rynyń derbes­tigi, jekelegen qylmys­tyq quqyq bu­zý­shylyqtar úshin jaýap­kershilikti kúsheıtý jáne qarý aınalymy má­seleleri boıynsha Senat qabyldaǵan zańdarǵa egjeı-tegjeıli toqtaldy.

Narıman Tóreǵalıev jumys sapary barysynda Batys Qazaqstan oblysynyń Jánibek aýdanyn aralap, Kúıgenkól, Jánibek, Taý jáne Qamysty aýyldyq okrýgteriniń turǵyndarymen kezdesýler ótkizdi jáne aýdannyń tynys-tirshiligimen tanysty. Jıynda aýdan ortalyǵyndaǵy da, aýdandaǵy aýyldardaǵy da aýyz sýmen qamtamasyz etý, joldardyń jaǵdaıy, azyq-túlik baǵasynyń qymbattaýy, bilim sapasy, dárigerlerdiń jetispeýi máseleleri sóz boldy. Depýtat sondaı-aq uzyndyǵy 15 shaqyrymdy quraıtyn Jánibek-Talov-Kishi О́zen jol ýchaskesindegi qurylys jumystarynyń barysymen tanysty. Bul jumystarǵa Ulttyq qordan 644 mıllıon teńge bólingen bolatyn. Bıyl 8 shaqyrym jol salynady. Jol qurylysyn kelesi jyldyń qazan aıynda aıaqtaý josparlanǵan.

Senatorlar Bekbolat Orynbekov pen Ábdáli Nuralıev jumys sapary barysynda Jambyl oblysynyń Jýaly aýdanynda boldy. Senatorlar «Birlik» jáne «Baqyt» sharýa qoja­lyqtarynyń qyzmetimen, Nurlykent aýylyndaǵy taýarly sút fermasynyń qurylysyndaǵy «Gambýrg» JShS jumysymen tanysty, sondaı-aq kúrdeli jóndeý júrgizilip jatqan №30 Kóktóbe orta mektebinde boldy. Par­lamentshiler jumysty sapaly júrgi­zýge basa nazar aýdardy. Depýtat Bek­bolat Orynbekov sonymen qatar Taraz qalasynda bolyp, onkologııalyq aýrý­hananyń, ońaltý ortalyǵynyń jaı-kúıimen jáne Talas ózeniniń jaǵasyn nyǵaıtý jumystarymen tanysty.

Depýtattar Nurlan Beknazarov pen Aıgúl Qapbarova jumys sapary bary­synda Shymkent qalasynyń BAQ ókil­derimen kezdesti. Sharada BAQ týraly zań jobasyna ózgerister engizý, jýr­nalısterdiń mártebesi, mer­zimdi ba­sylymdardyń qazirgi jaǵ­daıy men kadr tapshylyǵy másele­leri talqylandy. Senatorlar sondaı-aq Shymkent qalasy Ulttyq ulany­nyń áskerılerimen jáne Muhtar Áýezov atyndaǵy Oń­tústik Qazaqstan ýnıver­sıtetiniń pro­fes­sorlyq-oqytýshylyq quramymen kez­desip, materıaldyq-tehnıkalyq bazany, ınfraqurylymdy jáne oqý-jattyǵý bazalaryn aralady.

Senattyń Konstıtýsııalyq zań­nama, sot júıesi jáne quqyq qorǵaý organdary komıtetiniń hatshysy Qanatbek Safınov kásibı medıa­torlarmen kezdesip, medıasııa sala­syndaǵy zańnamany jetildirý máse­lesin talqyǵa saldy. Júzdesýge qatysýshylar medıatorlardyń kásibı qyzmet barysynda tap bolatyn problemalardy sarapqa saldy. Depýtat kezdesý barysynda «Qazaqstan Respýblıkasynyń keıbir zańnamalyq aktilerine azamattyq prosestik zańnamany jetildirý jáne daýlardy sottan tys jáne sotqa deıingi retteý ınstıtýttaryn damytý máseleleri boıynsha ózgerister men tolyqtyrýlar engizý týraly» zańdy iske asyrý jónindegi 2022 jylǵa arnalǵan is-sharalar josparyn oryndaý qorytyndysy boıynsha Aqparat jáne qoǵamdyq damý mınıstrligine aǵymdaǵy jyldyń sońynda Medıatorlardyń birinshi forýmyn ótkizý usynylǵanyn atap ótti.