Gaz salasyn damytýdyń keshendi jospary bekitildi

Keshendi jospardyń qabyldanýy gaz naryǵyn retteýdiń jańa tásilderin ázirleýge, gaz salasyna ınvestısııa tartýǵa jaǵdaı jasaýǵa, taýarlyq gaz óndirisin ulǵaıtý úshin gaz-resýrstyq bazany keńeıtýge jáne otyn-energetıka keshenin odan ári damytýǵa múmkindik beredi. Sondaı-aq tutynýshylardy úzdiksiz jáne qaýipsiz gazben jabdyqtaýdy qamtamasyz etedi.

QazaqGaz UK» AQ taýarlyq gazdyń re­sýrstyq bazasyn ulǵaıtý, ishki gaz naryǵyn, gaz tranzıti men eks­portyn, gaz hımııasy men tereń óń­deýdi damytý, ınvestısııalyq jáne ope­rasııalyq tıimdilikti arttyrý jónin­degi jumystardy qamtıtyn Keshendi jospardy júzege asyrýǵa qatysady.

Birinshiden, gaz barlaý jáne óndirý sektoryndaǵy teńgerimdelgen aktıvter portfelin qalyptastyrý jáne iri jobalar úshin jer qoınaýyn iske asyrý quqyǵyn alý úshin, QazaqGaz ulttyq kompanııa mártebesin paıdalanady. QazaqGaz qoldanystaǵy gaz óńdeý zaýyttarynyń qýattaryn júkteýdi qamtamasyz etý úshin gaz óńdeý jobalaryndaǵy rólin kúsheıtedi. Budan basqa, resýrstyq bazany keńeıtý maqsatynda ulttyq operator múddeli organdardyń bekitýine yntalandyrý sharalarynyń keshenin usyndy. Gaz óndirý boıynsha neǵurlym daıyn jobalardy iske qosý jáne gazdy óńdeý kólemderiniń ulǵaıýy esebinen 2030 jylǵa qaraı taýarlyq gaz óndirisin +15 mlrd tekshe metrge ósirýge bolady.

Ekinshiden, ulttyq operator taýarlyq gaz resýrsynyń tapshylyǵy jáne ishki naryqtaǵy tıimsiz baǵa jaǵdaıynda «Gaz jáne gazben jab­dyqtaý týraly» Qazaqstan Respýb­lı­ka­synyń zańyna áleýmettik ádiletti baǵa reformasy boıynsha keshendi usy­nystar jasap, naryqtyq baǵamen taýar­lyq gazdy satyp alýǵa daıyn tuty­nýshylar sanattarynyń tizbesin ke­ńeıtý qajet dep tapty.

Ishki naryqty damytý úshin kompanııa 2030 jylǵa qaraı gazdandyrý deńgeıin 65%-ǵa deıin ulǵaıtyp, shyǵynsyzdyqqa qol jetkizýdi maq­sat etip otyr. Táýelsiz gaz taratý uıym­darynyń jeke ınvestısııalaryn tartý arqyly Qazaqstan Respýblıkasyn gazdandyrýdyń Bas shemasyn iske asyrý jumystary jalǵasatyn bolady.

Úshinshiden, gaz tasymaldaý ba­ǵy­tynda jańa jobalardy iske asyrý, olardyń ózin-ózi ótep, kompanııa qyz­metine sınergetıkalyq áser bergende ǵana júzege asady.

Tórtinshiden, ulttyq operator gaz hımııasy jáne tereń óńdeýde eń tıimdi jobalardy júzege asyrý barysynda gazdy naryqtyq baǵa boıynsha berýdi maqsat etedi. Jańa energetıka jáne gaz hımııasy jobalaryn damytý (metanol, karbamıd, ammıak, túıirshiktelgen kúkirt, kók sýtegi, tyńaıtqyshtar jáne t.b. óndirý) basym mindet bolyp tabylady.

Besinshiden, QazaqGaz óz qyzmetin­de ESG joǵary prınsıpterin jáne korporatıvtik basqarý standarttaryn únemi ustanatyn bolady. Osy qaǵıdattardy saqtaý úshin kompanııa bıznesti júrgizý, qorshaǵan ortany qorǵaý, qaýipsiz eńbek jaǵdaılaryn qamtamasyz etý jáne adamı kapıtaldy damytýda úzdik halyqaralyq táji­rıbeni qoldanýǵa nıetti. Memle­ket basshysynyń tapsyrmasyna sáıkes kompanııany IPO-ǵa shyǵarý jumys­tary júrgizilýde.