О́zbekstannyń astanasy – Tashkentte ótip jatqan jastar men jasóspirimder arasyndaǵy Azııa chempıonatynyń kezekti kúninde Qazaqstan quramasynyń qorjyny bir altyn, bir qola júldemen tolyqty. Jasóspirimder arasyndaǵy 73 kılo salmaqta synǵa túsken álem chempıony Emberdi qossaıysta 309 (136+173 kılony eńserip, Azııa birinshiliginiń jeńimpazy atandy. Sondaı-aq ol julqa kóterý men qossaıys básekesinde Azııa rekordyn ornatty.
Al jastar sanatynda 61 kıloda óner kórsetken Azamat Tólegen qossaıysta 262 kılony eńserip, Azııa chempıonatynyń qola júldegeri atandy. Aıta keteıik, buǵan deıin Azııa chempıonatynyń jasóspirimder sanatynda synǵa túsken qazaqstandyq Erasyl Omarov (55 kg) ta Sary qurlyq birinshiliginiń qola júldegeri atanǵan edi.
