Bul kezeńde qazaqstandyq «Astana» veloklýbynyń eks-shabandozy kanadalyq Iýgo Ýl top jardy. Karkason men Fýa qalalaryn jalǵaǵan 178,5 shaqyrym joldy Israel – Premier Tech komandasynyń ókili 4 saǵat 23 mınýt 47 sekýndta júrip ótti. Máre syzyǵyn ekinshi jáne úshinshi bolyp fransııalyq Valenten Madýa (Groupama-FDJ) men kanadalyq Maıkl Výds (Israel – Premier Tech) kesti. «Astana» velokomandasynan eń úzdik nátıjege ıtalııalyq Sımone Velasko qol jetkizip, márege 27-shi bolyp jetti.
Jalpy esepte ádettegideı danııalyq Ionas Vıngegor (Jumbo-Visma) kósh bastap tur. Onyń ýaqyt kórsetkishi – 64 saǵat 28 mınýt 09 sekýnd. Al «Astana» kapıtany Alekseı Lýsenko Vıngegordan 14 mınýt 10 sekýndqa qalyp keledi. Nátıjesi – 12-oryn.
