«Soltústik-batys sıklonnyń jyrasy áserinen elimizdiń basym bóliginde naızaǵaı oınap, jel kúsheıedi, batysynda, soltústiginde, shyǵysynda burshaq jaýýy yqtımal, ońtústik-batysynda shańdy daýyl soǵýy múmkin. Qazaqstannyń tek ońtústik jáne ońtústik-shyǵys óńirlerine ǵana antısıklon jotasy áser etip – jaýyn-shashynsyz aýa raıy bolady», delingen habarlamada.
Túrkistan, Qyzylorda, Jambyl oblystarynyń basym bóliginde, Atyraý, Mańǵystaý oblystarynyń ońtústiginde, Batys Qazaqstan oblysynyń ońtústik-batysynda tótenshe órt qaýpi saqtalady.
Kúndiz Almaty, Jambyl, Túrkistan, Mańǵystaý, Ulytaý oblystarynyń basym bóliginde, Aqtóbe oblysynyń ońtústiginde qatty ystyq bolady.
Kúndiz Qyzylorda, Jambyl oblystarynyń basym bóliginde, Ulytaýdyń oblysynyń ońtústigi men ortalyǵynda, Qaraǵandy oblysynyń ońtústiginde óte qatty ystyq saqtalady.
