Tergeý barysynda qaskúnem tańǵy ýaqytta Qartaly kóshesindegi jataqhana bólmesine erkin kirip, ıeleriniń uıyqtap jatqanyn paıdalanyp, Samsung telefonyn jasyryn urlap ketkeni anyqtaldy.
Belgili bolǵandaı, er adam jataqhanalarda birneshe ret urlyq jasaǵan. Ol bólme turǵyndarynyń jumysqa ketip bara jatyp, esikterin ashyq qaldyryp ketkenin kútip, sol sátti paıdalanǵan.
Búgingi tańda onyń elordadaǵy osyǵan uqsas urlyqtyń 11 epızodyna qatysy bary anyqtaldy. Qaskúnem qylmystyq jolmen tapqanyn uıaly telefon satyp alýshylarǵa nemese belgisiz adamdarǵa satyp jibergen.
Atalǵan faktiler boıynsha sotqa deıingi tergeý amaldary júrgizilýde. Kúdikti qamaýǵa alyndy, óz kinásin moıyndady. Onyń elorda aýmaǵynda buryn jasalǵan osyǵan uqsas qylmystarǵa qatysy bar-joǵy tekserilýde.
