«Kún tártibiniń basty máselesi qaýipsizdik pen dıplomatııa salasyndaǵy ózara is-áreketti nyǵaıtý bolyp qala bermek. Bul Ortalyq Azııa halyqtarynyń gúldenýi úshin tıisti sharttardy qamtamasyz etý maqsatynda óte qajet. Ortalyq Azııa óńiri turaqty áleýmettik-ekonomıkalyq damý, jan-jaqty yntymaqtastyq, beıbitshilik pen gúldenýdiń aýqymdy aımaǵy bolýy tıis», dedi Qazaqstan Prezıdenti.
Memleket basshysy qaýipsizdiktiń aldyn alý jónindegi sheshimderdi birlesip ázirleý úshin elderdiń Qaýipsizdik keńesteri hatshylarynyń turaqty konsýltatsııasy tetigin iske qosqan jón ekendigin aıtty.
«Sonymen qatar óńirlik jáne halyqaralyq máselelerdiń negizgi máseleleri boıynsha kelisilgen ádister ázirleý úshin Syrtqy ister mınıstrlerine jarty jylda keminde bir ret turaqty túrde kezdesýlerin tapsyrýdy usynamyn», dedi Qasym-Jomart Toqaev.
