«Ǵylym men bilim salasyndaǵy yntymaqtastyqty keńeıtý - ózekti mindet. Bul úshin byltyr qol qoıylǵan joǵary bilimniń biryńǵaı Ortalyq Azııa keńistigin qurý týraly Deklarasııa negiz bolady. Osy bastama sheńberinde Qazaqstan áriptesterdiń joǵary oqý oryndary arasyndaǵy almasýlardy keńeıtý jónindegi usynystaryn qoldap, Ortalyq Azııa elderiniń jastaryn oqytý úshin kvotalardyń sanyn ulǵaıtty», delingen Prezıdent baıandamasynda.
Sondaı-aq Memleket basshysy Qazaqstanda jetekshi joǵary oqý oryndarynyń fılıaldary ashylatynyn jetkizdi.
«Biz óńir memleketterindegi jetekshi joǵary oqý oryndary men ozyq mektepterdiń fılıaldaryn qurýǵa daıynbyz. Máselen, jaqynda Bishkekte Ál-Farabı atyndaǵy Qazaq ulttyq ýnıversıtetiniń fılıaly ashyldy. Qazir О́zbekstanmen ózara negizde bilim berý ortalyqtaryn ashý pysyqtalýda», dep qosty Qasym-Jomart Kemeluly.
