Qazaqstan • 21 Shilde, 2022

Qazaqstan transshekaralyq jobalardy júzege asyrýǵa erekshe mán beredi

1064 ret

kórsetildi

1 mın

oqý úshin

Qazaqstan transshekaralyq ózenderdiń sý resýrstaryn ózara tıimdi paıdalaný úshin birlesken gıdroenergetıkalyq jobalardy júzege asyrýǵa erekshe mán beredi. Bul týraly el Prezıdenti Ortalyq Azııa memleketteri basshylarynyń IV Konsýltatıvtik kezdesýinde aıtty, dep habarlaıdy Egemen.kz.

Aıana TOǴANBEK

Qazaqstan transshekaralyq jobalardy júzege asyrýǵa erekshe mán beredi

«Osy turǵyda Qyrǵyzstandaǵy Qambar-Ata GES-1 qurylysynyń jobasy qyzý talqylanýda. Sý elektr stansııasy Ortalyq Azııa elderiniń energetıkalyq qaýipsizdigin nyǵaıtady, aýyl sharýashylyǵy óndirisin keńeıtý úshin jaǵdaıdy jaqsartady», dedi Memleket basshysy.

Sondaı-aq Prezıdent halyqaralyq Araldy qutqarý qory aıasynda elderdiń ózara is-qımylyn nyǵaıtýǵa shaqyrdy.

«Biz Qyrǵyz tarapynyń onyń uıymdyq qurylymy men quqyqtyq bazasyn jetildirý jónindegi óńirlik jumys tobyna qatysýyn oń baǵalaımyz. Osy qor aıasynda Qyrǵyzstan tarapymen tolyqqandy yntymaqtastyqtyń qaıta jandanýyna úmit artamyz», dedi Qasym-Jomart Toqaev.