Qyzylorda oblysynyń tabıǵı resýrstar jáne tabıǵat paıdalanýdy retteý basqarmasyna qarasty «Qyzylorda oblystyq janýarlar dúnıesin memlekettik qorǵaý jónindegi mamandandyrylǵan mekemesiniń» mamandary «Ohotzooprom О́B» RMKQ qyzmetkerlerimen birlesip reıd júrgizgen edi.
«Kezekti is-shara barysynda Jalaǵash aýdanyna qarasty Jyryq atty skvajına mańynda «Taıota land krýzer-100» avtokóligi kúdik týdyrdy. Belgisiz tulǵa oqıǵa ornynan izin sýytýǵa árekettendi. Kóp uzamaı Jalaǵash aýdanyna qarasty Qyzylshyn dep atalatyn jerde onyń kóligi órtengendigi baıqaldy. Sol jerden barlyǵy 17 bas aqbókenniń óli denesi jáne 54 dana múıizi tabyldy. Ol aıǵaq zat retinde alyndy. Jalaǵash aýdandyq polısııa bólimimen birlesip, sol mańdy qaraý barysynda Shaqshaq dep atalatyn mal aýylynan kúdik keltirilgen Qyzylorda qalasynyń turǵyny anyqtaldy», dep málim etti Qyzylorda oblystyq tabıǵı resýrstar jáne tabıǵat paıdalanýdy retteý basqarmasynan.
Vedomstvo málimetinshe, oqıǵa boıynsha mán-jaıdy qarap, shara qoldaný úshin qujattar men aıǵaq zattar Jalaǵash aýdandyq polısııa bólimine ótkizilgen.
