Tartyl Fest festıvali

Festıvaldyń ashylý saltanatynda Jetisý oblystyq dene shy­nyq­tyrý jáne sport bas­qar­ma­sy­nyń olımpıa­da­lyq sport túrleri bóli­miniń basshysy Saıat Sarqytov, Nomad MMA fede­rasııasynyń prezıdenti Gadjı Gadjıev, «Dara» daryndylardy qol­­­daý qorynyń jetekshisi Nurlan Qoıanbaev sóz alyp, qatysýshylarǵa sát­ti­lik ti­le­di.

Úmitkerler jasy men salmaǵyna qaraı 9 sanatqa bólinip, ózara myq­ty­ny anyq­tady. Doda qyzyqty ári tartysty ótti. Jarys qorytyndysy boıynsha 65 jáne 80 kıloǵa deıingi salmaqta óner kórsetken 38 jastaǵy Madıar Baızaqov pen 19 jastaǵy Nurbatyr Qudaıberdıev kermege 35 ret tartylyp, rekord jasady. Sonymen qatar Alısher Sydyqbaev, Bekbergen Kenjebaev, Islam Ýsma­nov, Asqar Seıdahmet, Merhat Tal­ǵatuly, Ǵalym Jylqybekov, Ádilet Maqsutov óz sanatynda jeńis­ke je­tip, 200 myń teńgeniń sertıfıkatyn enshiledi.

Kúmis pen qola júldegerler 100 jáne 50 myń teńgeniń sertıfıkatyn ıelendi. Eń kishi jáne úlken qaty­sý­shylar da marapattan tys qalmady. Festıvaldyń eń jas qatysýshysy – 7 jasar Egor Gorıaev, eń úlkeni – 63 jastaǵy qatysýshy Ábdýálı Tas­ta­nov boldy. Sondaı-aq kermege 5 ret tartylǵan 13 jastaǵy Lashyn Myrzaqul men 13 ret tartylǵan 12 jas­taǵy Arına Ýtkınany da aıta ket­ke­nimiz jón.

Tartyl Fest-te baq synaǵan jigitter kermege jalpy sany  4 731 tartyldy. Aıta keteıik, ár salmaq boıynsha jeńimpaz atanǵandar qyrkúıek aıynda ótetin festıvaldyń fınaldyq kezeńine joldama aldy.

TALDYQORǴAN