Ulytaý oblysynyń azamattary men Ákimdiginen kelip túsken kóptegen ótinishterine, sondaı-aq QR Premer-Mınıstriniń birinshi orynbasary Roman Sklıardyń Ulytaý oblysynyń áýe qatynasyn damytý jónindegi tapsyrmasyn oryndaý aıasynda QR IIDM Avıasııa komıteti «Qazaq Air» AQ avıakompanııasymen jumys júrgizdi.
Osylaısha 15 tamyzdan bastap «Qazaq Air» AQ avıakompanııasy Nur-Sultan – Jezqazǵan baǵyty boıynsha oryndalatyn ushýlar sanyn aptasyna 3-ten 7 reıske deıin arttyratynyn habarlady.
QR Prezıdentiniń Jarlyǵymen qurylǵan Ulytaý oblysynyń ortalyǵy men Qazaqstannyń astanasy arasyndaǵy áýe qatynasy eki eseden astam ulǵaıtylady. Bul óńirdiń ekonomıkalyq jáne týrıstik áleýetin odan ári damytýǵa yqpal etedi.
QR IIDM Azamattyq avıasııa komıteti Ulytaý oblysynyń Qazaqstannyń basqa da óńirlerimen kóliktik qoljetimdiligin arttyrý boıynsha jumysty jalǵastyrýda.
