«Jyl basynan beri jol apattarynda myńnan astam adam qaza taýyp, 8 myńnan astam azamat jaraqat aldy. Kún saıyn elimizdiń joldarynda 7-ge jýyq adam qaza taýyp, 70-ke tarta adam túrli dene jaraqattaryn alyp jatady. Tek ótken aptada ǵana vedomstvolyq málimetterge sáıkes, elimizde 200-den astam jol-kólik oqıǵasy tirkeldi, onda 50-ge jýyq adam qaza taýyp, 200-den astam adam jaraqat aldy», dedi Jandos Muratálıev brıfıng barysynda.
Sondaı-aq jyl basynan beri 2 myńǵa jýyq bala túrli jaraqat alyp, 90-nan astamy qaıtys bolǵan.
«Jol apattaryn taldaý barysynda olardyń negizgi sebepteri jyldamdyq rejımin asyrý, manevr jasaý erejelerin buzý, qarama-qarsy júris jolaǵyna shyǵý, aýdarylý, jaıaý júrginshilerdi basyp ketý bolyp otyr», dedi komıtet tóraǵasynyń orynbasary.
