«Rýhanı jańǵyrý» baǵdarlamasy kóptegen ıgi istiń oryndalýyna jol ashty. Bastama ketkenimizdi keltirip, kem-ketigimizdi jamaýǵa septigin tıgizgeni jasyryn emes. Eskerýsiz qalǵan esil erlerimiz elenip, tarıhı oryndar qorǵaýǵa alynýda. Osyndaı aýyz toltyryp aıtar taǵy bir ónegeli isti «NAQ-Birlik» qoǵamdyq uıymy men oblystyq Qazaqstan halqy Assambleıasy júzege asyrǵan.
Olar 2018 jyly Máskeýdegi mýzeıden Aqyn Saranyń qundy jádigerlerin taýyp ákelgen. Muhamedjan Tynyshpaev atyndaǵy oblystyq tarıhı-ólketaný mýzeıinde turǵan jádiger kózge ottaı basylady. Mýzeı dırektory Rysjan Aıazbaeva qundy jádiger halyqtyń ystyq yqylasyna ıe bolǵanyn jetkizdi.
«Halqymyzda: «Sengenińnen súıeneriń myqty bolsyn», degen ataly sóz bar. Búginde artynda qalǵan urpaǵy Sara Tastanbekqyzynyń joǵyn joqtaýda. Súıeneriniń myqty ekeni osydan-aq belgili. О́tkendi jandandyrý arqyly bolashaqqa bararymyz belgili. «Rýhanı jańǵyrý» baǵdarlamasy aıasynda qolǵa alǵan bul jumystyń bolashaq úshin bereri mol. Endeshe, syrt elden ákelingen qundy dúnıemiz eldiń bolashaǵyna qyzmet etsin», deıdi R.Aıazbaeva.
Atalǵan jádigerlerdi murajaıǵa músinshi Margarıta Vashenko ótkizgen. Ol kezinde Taldyqorǵan oblysynyń bas sáýletshisi bolǵan. Sol jyldary Margarıta Vashenko Aqsý aýdanynyń Kóshkental aýylyna jáne Jansúgir eldi mekenine Sara Tastanbekqyzynyń eskertkishin ornatady. О́zi ómirden óterde qyzy Gelııa Tımofeevaǵa aqyn Saranyń portretin, qujattaryn qazaq eline jetkiz dep amanattap ketken eken.
Qazaq qyzdarynyń teńdigin jyrlaǵan aqynnyń jádigerlerin ákelýge «NAQ-Birlik» qoǵamdyq qorynyń tóraǵasy Oralbek Jaqııanov kóp kúsh jumsaǵan. Elshilikpen kelisý, muraǵattan qundy jádigerlerdi alý, amanatty jetkizýshi Saltanat Meńlibaevanyń baryp-kelýin qamtamasyz etý ońaı sharýa emes edi.
«Margarıta Vashenko qazaq elin sheksiz súıgen. Elge degen qurmetin aqyn Saraǵa eskertkish ornatýy jáne Máskeýdegi jádigerlerdi elge jetkizý jaıly qyzyna aıtyp ketken amanatynan ańǵarýǵa bolady. Osy aqyn murasyn elge jetkizýde úlken eńbek sińirgen Saltanat Dáýlethanqyzyna rahmet aıtýymyz kerek. Ol shetel muraǵatynan 12 qundy jádigerdi shashaý shyǵarmaı elge jetkizip, búgin ólketaný mýzeıine tabystap otyr», deıdi O.Jaqııanov.
Ýaǵynda eldiń qurmetine bólenip, halyqtyń mahabbatyna ıe bolǵan aqyn qyzdyń taǵdyr tizgininiń óz qoldarynan sýsyp shyǵyp bara jatqanyn sezgen baı-baǵlandar kópke kóreneý qarsy shyǵa almaı, onyń basyna bostandyq bergen edi. Sóıtip aqyn Sara óziniń asqan darynynyń arqasynda basyna azattyq alyp qol jetkizip, on toǵyz jasynda óz teńin tapqan. Bul tasada jatqan portrette óz ordasyn tapty dep oılaımyz.
Jetisý oblysy
