«A» tobynda baq synap jatqan almatylyq klýb bul týrda «Aqsýdy» qabyldap, asa tartysty ótken oıynda 3:2 esebimen jeńiske jetti. Toptaǵy ekinshi oıynda «Ordabasy» syrt alańda «Atyraýdyń» qaqpasyna tórt gol saldy – 4:1. Týrdyń basty sensasııasyn «V» tobyndaǵy «Qaısar» klýby tirkedi. Premer-lıganyń úsh komandasyna qarsy oınap jatqan qyzylordalyqtar úsh týrda da qarsylastarynan basym tústi. Úshinshi týrda «qasqyrlar» Aqtaýǵa sapar shegip, jergilikti «Kaspıı» klýbyn 2:1 esebimen tize búktirdi. «Aqjaıyq» óz alańynda «Qyzyljardy» qapy qaldyrdy – 1:0.
«S» tobyndaǵy «Tobyl» Konferensııa lıgasyndaǵy oıyndaryna baılanysty «Maqtaralmen» bolǵan oıynda jastar quramyn shyǵaryp, óz alańynda ótken matchta iri eseppen jeńilip qaldy – 1:4. Al toptaǵy ekinshi oıyndaǵy «Aqtóbe» men «Taraz» arasyndaǵy matchta esep ashylmady – 0:0. «D» tobyndaǵy kvartettiń eki oıynynda da jeńimpaz komanda anyqtalmady. Túrkistanda «Turanmen» kezdesken elordanyń «Astanasy» 1:1 esebimen upaı bólisýge májbúr bolsa, «Jetisý» óz alańynda «Shahtermen» teń oınady – 0:0.
