Ortalyq kommýnıkasııalar qyzmetinde ótken brıfıngte mınıstrge «Keı sarapshylar Qazaqstanda turmystyq hımııa men gıgıena buıymdarynyń qymbattap, jetistpeıtinin aıtyp otyr. Osyndaı tapshylyqqa tap kelip otyrmyz ba? Onyń aldyn alý úshin ne istelip jatyr?», degen saýal qoıdy.
«Siz aıtyp otyrǵan saraptama zertteýleri túrli sıpatta bolýy múmkin. Jalpy aıtsaq, qazirgi tańda logıstıka ózgerip jatyr. Munyń tek azyq-túlik taýaryna ǵana, tutyný taýaryna da qatysy bar. Biraq gıgena buıymdarymen baılanysty qandaı da bir problema kórip turǵan joqpyz», dedi Baqyt Sultanov BAQ ókiliniń suraǵyna bergen jaýabynda.
Onyń aıtýynsha, atalǵan taýardyń negizgi bóligi syrttan alynatyndyqtan, teńgerim saqtaý máselesi joq.
«Mysaly, qantqa qatysty jaǵdaıda bizge ózimizdiń óndirýshilerdiń usynysy men ımporttyń arasynda teńgerim saqtaý kerek edi. Al gıgıena zattary negizinen syrttan ákelinedi. Ol kanaldardy erte bastan qaıta qaradyq, jetkizý geografııasy ózgerip úlgergen. Bul jerde biz tapshylyqqa ákeletindeı qandaı da bir problema kórip otyrǵan joqpyz», dedi Baqyt Sultanov.
