Bul zamanaýı operasııanyń basty artyqshylyǵy – az ınvazıvtiligi, ıntradıýserdiń tesýimen qıyndyq týǵyzǵan kóktamyrǵa bergishtiń jetýi jáne onyń ishinen sáýle jiberilýi. Hırýrgter bul prosesti shaǵyn tolqyndy peshtiń jumysymen salystyrady. О́ıtkeni dál sondaı jylýdyń áseri, tek qana bergish arqyly bolady.
«Bul bir kúndik hırýrgııa. Pasıent operasııaǵa tańerteń keledi. Al keshke úıine óz aıaǵymen qaıtady. Oǵan jergilikti anestezııa júrgiziledi. Buryn mundaı naýqastardyń aıaǵyn kesip, kóktamyryn alyp tastaıtyn edi. Odan keıin uzaq ýaqyt boıy ońaltý júrgiziletin. Endi onyń biri de joq, pasıentter tez qalpyna keledi. Qarsy kórsetilimderi de óte az. Tórt jyl ishinde biz osyndaı ondaǵan operasııa jasadyq jáne aýrýlardyń qaıtalanýyn kórdik, asqynýlar eshkimde bolmady», dep áńgimeledi Berik Qaıkenov.
Varıkoz problemasy Qazaqstanda óte ózekti, kóbinese odan kópbalaly analar men egde adamdar beınet shegedi. Jańa operasııa olardyń ómirin ájeptáýir jaqsartady. Eýropa men AQSh-ta radıojıiliktegi ablıasııa jıi jasalǵanmen, bizdiń elimizde ony sırek jasaıdy. Ol mamandar men jabdyqtardyń azdyǵymen túsindiriledi. Atalǵan operasııa endi QR PIB Medısınalyq ortalyǵy Ortalyq klınıkalyq aýrýhanasynda jasalady.
